Quen da máis… na horta?

Proxecto que xurde da necesidade de novas canles de comercialización para os produtores hortícolas desa zona do Salnés. Co coñecemento previo por parte dun dos socios doutras iniciativas similares, crearon a primeira lonxa de produtos agrícolas de Galicia. Esta lonxa conta cun sistema de poxa que garante transparencia, seguridade e informacion o que é definitorio dunha nova relación entre comprador e vendedor. Convenceuse aos produtores destes produtos buscando incentivos e co tempo foron conseguindo que moitos comercializaran a través da lonxa. Contan cunha asistencia técnica que realiza un control e planificación da produción, estimularon para a creación dunha asociación de produtores e inculcaron criterios de produción integrada dentro dos cultivos. Apostan pola investigación, a formación e a divulgación para os produtores. Respecto da comercialización, ao aglutinar tanta mercancía poden chegar a distribuidoras dun maior tamaño. E independentemente de cal sexa a política de pagos do comprador final, a lonxa efectúa o mesmo con cadencia quincenal. Logrouse un espazo de confianza e alcanzar posicións negociadoras de forza.
Ribadumia.