Medio Rural

Iníciase no torreiro do campo da festa de Rosende e bordea o muro do Pazo Casa Grande de turismo rural. En Albarán segue un camiño de servizo para os viñedos que conduce cara ao val do río Cabe. O camiño serpea entre as vides de uva mencía coa que se elabora o afamado viño da D.O. Ribeira Sacra. Unha pequena derivación conduce ata Areas con construcións moi simples onde algunha hipótese apunta a primitivos moradores anacoretas que buscaron neste recuncho o sosego en contacto coa natureza. En Portizó e Hortás pódese contemplar boas mostras de arquitectura tradicional.

Dous dos creadores vencellados ao mundo da informática co obxectivo de aportar algo positivo ao mundo gandeiro apostaron pola innovación e a tecnoloxía no mundo agropecuario desenvolvendo un software de aplicación gandeira obtendo coma resultado o primeiro programa informático galego para explotacións de vacún de leite. Este programa informático adáptase perfectamente ás granxas da zona por estar en contacto directo cos usuarios. Tamén crearon a Curro un robot de limpeza para explotacións de vacún.

Ésta é unha empresa NTIC, adícase ao deseño e programación web, formación, marketing, asesoramento técnico, redes, mantemento… Os socios, a maioría de Bueu, buscando un ambiente tranquilo para as actividades que desenvolven apostaron por ubicarse nunha zona rural. A aplicación das novas tecnoloxías e internet no rural -consideran- son factores de eficiencia e  competitividade empresarial por elo as infraestruturas necesarias para elo son un aspecto clave, co logro disto a discriminación do rural respecto do eido urbano quedaría aminorado.

Esta empresa familiar está dirixida pola neta do propietario orixinario das terras e o pazo onde se ubica. A empresaria é unha licenciada en Ciencias Económicas moi formada neste campo que ao nun principio se supo rodear de xente coñecedora e con experiencia para levar a cabo o seu proxecto. A empresa conta con 5 granxas con 35.000 galiñas en semiliberdade producindo 30.000 ovos campeiros ao día.

A iniciativa partiu da Sociedade de Cazadores de Portas co obxectivo de xestionar e manter a poboación do coello autóctono do Tecor ( Terreo Cinexéticamente Ordeado). Estes animais están criados en semiliberdade nunha extensión de terreo de unha hectárea obtida como concesión dun monte comunal e unhas instalacións de 6500 metros cadrados.