Proxectos e iniciativas

A Federación Ecoloxista Galega (FEG) é a principal federación ecoloxista de ámbito galego, actualmente formada por 16 asociacións, a maioría das asociacións ecoloxistas activas de Galicia, case todas de de ámbito local ou comarcal.  Un dos obxectivos da FEG é debater, pór en común e desenvolver tanto pronunciamentos públicos como campañas sobre os principais temas ambientais nos que estean interesados varios grupos.

 O obxecto da Asociación consiste en contribuír ao fortalecemento, potenciación, crecemento sustentable e mellora da competitividade e da internacionalización do sector alimentario, en xeral, de Galicia, como un dos sectores estratéxicos máis importantes do país. Este obxecto desenvolverase mediante a promoción da investigación, o desenvolvemento tecnolóxico e a innovación, así como da mercadotecnia.

A ISAP é unha alianza galega de organizacións que comparten, desde diferentes ámbitos de actuación e perspectivas, a defensa da soberanía alimentaria dos pobos. Naceu en Abril de 2008 seguindo o mandado do Foro Mundial para a Soberanía Alimentaria (Nyéléni 2007) co obxectivo de dar a coñecer, construír e defender a soberanía alimentaria dos pobos en e desde Galiza, cos pés na terra e cunha ollada global.
 

A Rede Galega de Concellos pala Sostibilidade é unha asociación voluntaria de Concellos, promovida conxuntamente pola Consellería de Medio Ambiente, Territorio e Infraestructurase e a Federación Galega de Municipios e Provincias (FEGAMP), que pretende impulsar o desenvolvemento efectivo dos plans de sostibilidade local (Axenda 21 Local).
 

O Proxecto RONSEL pretende a documentación e investigación exhaustiva de todo   patrimonio inmaterial galego, ademais da súa promoción, protección, difusión e transmisión. Preténdense abordar estas tarefas de xeito científico para maximizar a súa eficacia.