Proyectos e iniciativas

Esta asociación organiza actividades de divulgación do coñecemento do mundo micolóxico mediante exposicións, recollidas colectivas, cursos de cultivo e concursos.
 

O Programa Estratéxico de Infraestruturas no Medio Rural teñen o obxecto de racionalizar os investimentos en obras de infraestruturas. Elaborou as directrices para un plano de investimentos na totalidade dos concellos galegos, que se desenvolve de acordo cuns criterios básicos entre os que se sinalan proxectos destinados a dinamizar a base produtiva e a fixar poboación no ámbito rural, co fin de dignificar e de mellorar a súa calidade de vida.
 

O proxecto formulouse como continuación do SIGN, con el  preténdese sistematizar, harmonizar e divulgar de forma conxunta a información dixital, recorrendo para iso ás TIC (Tecnoloxía da Información e as Comunicacións). Deste xeito, converten a información nun ben accesible para planificadores e xestores do medio rural, que poderían utilizala á hora de tomar decisións en campos variados, especialmente nos vinculados á ordenación territorial, planificación, valoración e conservación ambiental, rendibilidade de actividades rurais, etc.
 

O Centro Tecnolóxico da Carne é unha fundación de interese galega que pretende dinamizar e mellorar a capacidade competitiva do sector agroalimentario de Galicia. A súa actividade organízase en torno a catro eixos fundamentais de actuación, servizos a empresas (análises, trazabilidade, seguridade e calidade alimentaria, APPCC, etc); I+D+i; formación; e asesoramento e transferencia tecnolóxica, en íntima relación cos axentes do sector.
 

Esta asociación xurdiu dun grupo multidisciplinar de estudantes e investigadores da Universidade de Vigo cuxa paixón pola natureza fixo que levaran a cabo o desenvolvemento dunha tecnoloxía apropiada para o respetuoso estudo e observación da fauna salvaxe, habitualmente esquiva ante a presenza humana. Consideran as novas tecnoloxías unha poderosa ferramenta para a procura de información e con elo a sensibilización e a educación ambiental. Co seu afán divulgador lóxica é a súa premisa  "para conservar hai que coñecer, hai que coñecer para divulgar".