Recursos Externos

A adquisición por parte do Concello de Ponteareas do Castelo de Sobroso trouxo consigo a finca que o circundaba onde se iniciu un proceso de recuperación e mantemento do rico parque forestal alí existente. Foi nel onde, despois duns anos, se pon en funcionamento unha aula da natureza. Neste espazo a parte da riqueza vexetal tamén se poden observar os seus habitantes, cabalos, avestruces e outros animais que se integran nun microcosmos de natureza.
Ponteareas.
 

Tras unha profunda análise das carencias e potencialidades da zona da Ribeira Sacra o creador deste proxecto deseñou unha empresa de turismos activo. Consturíron instalacións, incluído o aloxamento en lugares coma a Ribeira Sacra, a Serra do Eixe ou o Xurés e coa colaboración de persoal ben cualificado  levan a cabo unha gran diversidade e calidade nos seus servizos, todo elo nun entorno máis que axeitado para o tipo de actividades que levan a cabo.
Varios na provincia de Ourense.
 

Este proxecto consiste na creación dun centro permanente de formación e goce ambiental, con aloxamento e organización de múiltiples actividades coma o tiro con arco, xogos tradicionais, estudo da fauna e flora autóctonas, visitas turísticas pola Ribeira Sacra e Terras de Trives, iniciación á meteoroloxía, sendeirismo , introdución á maxia... Toda unha oferta que fai que sexa un gran atractivo para todo tipo de colectivos.
San Xoan de Río.
 

A iniciativa comezou tras a creación dun mesón tradicional para o cal o seu dono, seguindo a súa inquedanza persoal comezou a coleccionar todo tipo de elementos: embudes, mazas do viño, candís, fitoiras, tecedeiras, … A intención da iniciativa é manter a memoria tan rica e diversa do rural.
Pobra de Trives.
 

Tralo peche da fábrica na que traballaba o protagonista deste proxecto, animado pola demanda dos clientes emprendeu o camiño de abrila e comezar a fabricar portas de novo. Traballa sobre pedido de todo tipo de deseños e madeiras. Desta fábrica saen anualmente trinta mil unidades.
Oroso.