Recursos Externos

A constitución dunha rede centros da A21EG  pretende que o alumnado e o profesorado dos centros que participan nesta acción conxunta teñan un espazo de traballo colaborativo que, como experiencia de aprendizaxe aberta, posibilite o compartir experiencias e recursos da A21EG polos propios profesores e alumnos.
 

A Axenda 21 Escolar é un programa da Xunta de Galicia pensado para facilitar a implicación dos centros educativos na educación para a sostibilidade coordinado polas Consellerías de Medio Ambiente, Territorio e Infraestruturas e a Consellería de Educación e Ordenación Universitaria.
 

A Axenda 21 local é a contribución de cada concello e a súa comunidade local á sostiblidade, nun proceso aberto e participativo dirixido a mellorar a calidade de vida dos seus cidadáns, comprometéndose a actuar cara á mellora ambiental, social e económica do concello.
 

O obxectivo deste proxecto a desenvolver inicialmente como experiencia piloto, é posibilitar a integración, a nivel local, de todas as accións susceptibles de ser promovidas ou respaldadas polas administracións municipal e autonómica que garden relación directa coa consecución dun desenvolvemento local sostible, coordinándoas en aplicación dos diversos instrumentos que se poden implementar (Avaliación estratéxica da sostibilidade do Plan Xeral de Ordenación Municipal, Axendas 21 local e escolar, educación ambiental, instrumentos de sostibilidade empresarial, de gobernanza municipal, etc).

ObservatorioMedioAmbiental destinado aos distintos axentes-actores que desenvolven as súas actividades na zona costera portuaria de forma que favoreza a información, intercomunicación, a consulta, a sensibilización e o adestramento sobre a problemática en particular (impacto sobre o medio mariño e costero das actividades e as súas residuos), etc, así como as pautas e técnicas para a posta en marcha das mellores prácticas posibles de recolleita e xestión ambiental dos residuos xerados.