Proyectos e iniciativas

A asistencia previa a un cursiño de cociña e ante a novo contexto social, no cal as mulleres se introduciron no mundo laboral sen contar co tempo necesario para facer de comer deulle unha idea á protagonista da iniciativa , crear un servizo de comida tradicional galega a domicilio, coa utilización de produtos de primeira calidade da Terra Chá.
Castro de Rei.
 

Industria de serrado de madeira con importante investimento en tecnoloxía para manter a competitividade que as dúas xeracións anteriores levaron a cabo na materia, co obxectivo de obter unha grande eficiencia do traballo. A metade da produción diríxese ao sector do moble, a outra porción ao sector da construción.
Vilalba.
 

Complexo de sete apartamentos turísticos  e tres máis que están en camiño, en antigas instalacións agrícolas. Ofrécese  con esta iniciativa unha segunda residencia para aqueles que queiran disfrutar do rural e da natureza, sendo respetuosos con ela pois o emprendedor deste proxecto aposta pola innovación e as enerxías renovables conseguindo a autosuficiencia enerxética.
A Pastoriza.
 

Fabricación de apeiros de labranza e de fornos artesanais de pan. Toda a elaboración se fai alí, partindo do metal utilizado coma materia prima e cun deseño propio, que se vai modificando para mellorar a eficiencia da máquina. Para a produción artesanal dos fornos utilízase ladrillo cerámico.
Vilalba.
 

Sociedade Agraria de Transformación dedicada á produción leiteira, integrada por catro rapaces novos veciños da mesma parroquia. Esta sociedade fórmana catro mozos que decidiron xuntar as súas explotacións  paa asegurar a dispoñibilidade de man de obra xa que por separado os esforzos multiplicábanse, e para cambialas estruturas de traballo para poder dar un salto cualitativo na calidade de vida. Isto fainos máis competitivos, podendo mellorar a súa eficiencia.
A Pastoriza.