Naturaleza

O iniciador deste proxecto veu do centro da península para Galicia. A súa empresa ofrece voos e a posibilidade de aprender a pilotar un ultralixeiro para a obtención da licenza necesaria da Dirección Xeral de Aviación Civil Española e tamén a xestión de tódolos trámites asociados. Funciona dende o aeródromo da vila de Mêa en Portugal trala negativa de tódolos aeródromos de Galicia a acoller a súa iniciativa. A raíza da escola creouse un club con máis de sesenta socios, a afección vai en aumento.

Coa intención de sacarlle partido a unha leira de limoeiros, pensaron nunha actividade do eido turístico. Coa colaboración dun deseñador e tras informarse debidamente foron pulindo a idea ata crear na mencionada leira un campo de golf tipo Pitch&Putt. Este tipo de golf ten as vantaxas de que se xoga en menos tempo e mellórase o xogo en curto. O tipo de cliente pensado inicialmente era da comarca pero o que está funcionando é o da Coruña. Con seis buracos e 450 metros de percorrido con limoeiros, este lugar é considerado unha canteira para os campos máis grandes.

Esta empresa dedícase a ampliacións e melloras na produción, envasado e comercialización de mel. Aínda que comezou a súa andaina nos 80 foi nos anos 90 cando apostaron forte construíndo novas instalacións e equipos debido á boa venda do produto e da demanda. Os donos desta empresa consideran Galiza un lugar idóneo para a fabricación deste produto debido á riqueza vexetal existente. A expansión da empresa non só se produciu a nivel rexional  senón tamén nacional.
Samos.
 

Este proxecto iníciase en Teo, creando o primeiro viveiro de cultivo de frondosas ornamentais en Galicia. O creador deste proxecto veu neste cultivo unha alternativa ao abandono agrario do rural e xurdiu o plan Estela, aposta estratéxica que permitiría a creación de postos de traballo. Dito plan impulsou o asociacionismo de dezanove persoas que xuntaron as súas terras para dita produción.
Teo.
 

Este proxecto sitúase na comarca de A Ulloa onde un dos sectores máis perxudicados era o leiteiro, por isto tiveron que buscar alternativas que lles supuxeran  saír de tal situación. Optouse pola elaboración de queixos de xeito artesanal, ademais deste valor engadido o creador deste proxecto uneu o potencial que supuña a produción ecolóxica. Deste xeito creouse unha explotación gandeira bobina para a produción láctea en ecolóxico.
Palas de Rei.