Proyectos e iniciativas

Ante as "dificultades creadas" de pertencer ao sexo feminino e seren novas, dúas mulleres levaron a cabo o proxecto de creación dun laboratorio de análise de viños con asesoramento integral no proceso de elaboración en Salvaterra do Miño. O obxectivo eran os pequenos e medianos produtores que polos custos non poden permitirse infraestructuras nin servizos propios deste tipo, co cal polo gran número deste tipo de produtores na zona a demanda era alta. Moito do seu traballo é divulgativo e formativo para a adopción de usos correctos no mundo vitivinícola. 
Salvaterra do Miño.

Ésta é unha empresa familiar cons instalación no polígono do concello que se dedica a decorar porcelana. Esta labor ven por parte dos propietarios ven dende fai máis de vinte anos. Tralo contacto coa comercialización deste produto deron o paso á decoración do mesmo, actividade pioneira na provincia. Cada liña de produtos pode ter máis de 200 perzas e en total traballan 3000 elementos. O proceso é totalmente manual, de paciencia e precisión.

Tras estudar arquitectura técnica e xemoloxía o propietario desta empresa comezou nunha labor herdada de seu pai. Iniciou este camiño traballando na súa vila natal cun aprendiz. O seu proxecto hoxe é a rehabilitación dunhas antigas vivendas do casco antigo para o aloxamento dun obradoiro de xoiería. Contarán cun taller (hoxe son 12 persoas a traballar) e un lugar de exposición para que a xente descubra o produto. Este taller de proxeción nacional e internacional, ó contrario do habitual, sitúase nesta pequena vila polo equipo humano que ten tanto apego á zona.

O iniciador deste proxecto veu do centro da península para Galicia. A súa empresa ofrece voos e a posibilidade de aprender a pilotar un ultralixeiro para a obtención da licenza necesaria da Dirección Xeral de Aviación Civil Española e tamén a xestión de tódolos trámites asociados. Funciona dende o aeródromo da vila de Mêa en Portugal trala negativa de tódolos aeródromos de Galicia a acoller a súa iniciativa. A raíza da escola creouse un club con máis de sesenta socios, a afección vai en aumento.

Coa intención de sacarlle partido a unha leira de limoeiros, pensaron nunha actividade do eido turístico. Coa colaboración dun deseñador e tras informarse debidamente foron pulindo a idea ata crear na mencionada leira un campo de golf tipo Pitch&Putt. Este tipo de golf ten as vantaxas de que se xoga en menos tempo e mellórase o xogo en curto. O tipo de cliente pensado inicialmente era da comarca pero o que está funcionando é o da Coruña. Con seis buracos e 450 metros de percorrido con limoeiros, este lugar é considerado unha canteira para os campos máis grandes.