Sociedade

Mundo de Milú é un espazo que Meniños dirixe, fundamentalmente, aos máis cativos: recollendo as súas aportacións e propostas, os seus debuxos, comentarios,... E tamén ofrecendo xogos, ferramentas, ligazóns de internet, libros, etc., que poidan ser do seu interese e utilidade. Paralelamente, ábrese este espazo para os maiores que están en contacto cotiá con eles e que levan a cabo labores educativos, ben dende o seu papel de nais, pais..., ou dende o exercicio de profesións como profesores, monitores de tempo libre, etc.
 

O observatorio galego nace co propósito de cumprir unha dobre función. Función informativa pois o observatorio constitúe unha fonte informativa rigorosa e veraz sobre a aplicación da RSE na nosa comunidade; e función investigadora, complementaria da función informativa. A través do reporte de estatísticas e datos, o observatorio contribúe á transparencia en materia de RSE, favorecendo que todos os grupos de interese da responsabilidade social sexan coñecedores das principais informacións e avances con implicacións no ámbito.
 

O Portal da Inmigración nos Concellos de Galicia pretende ser un instrumento de doado manexo e completa información sobre os procedementos administrativos e as institucións e recursos con que conta a Comunidade Autónoma de Galicia en materia de inmigración.
 

O Foro Social Galego (FSGal), que adopta a Carta de Principios do Foro Social Mundial, é un espazo aberto de debate democrático de ideas, de afondamento da reflexión, formulación de propostas, intercambio de experiencias e artellamento de movementos sociais, redes, ongs e outras organizacións da sociedade civil que se opoñen ao neoliberalismo e ao asoballamento das persoas fronte ao capital e que denuncian calquera forma de imperialismo.
 

Asociación sen ánimo de lucro cuxo obxecto fundamental consiste en configurar un instrumento legal que permita a confluencia e a asociación das vontades libremente expresadas polos seus asociados para desenvolver unha eficaz política de cooperación e de solidariedade dos/as cidadáns dos concellos e provincias de Galicia cos pobos subdesenvolvidos.