Projetos e iniciativas

A Axencia Galega de Desenvolvemento Rural (AGADER) é un ente público da Xunta de Galicia que promove e coordina o desenvolvemento rural en Galicia. Este desenvolvemento ten como finalidade mellorar a calidade e condicións de vida dos habitantes do medio rural ao tempo que contribúe á cohesión do territorio galego. AGADER elabora estratexias, planifica actuacións, coordina e xestiona recursos destinados ao desenvolvemento do medio rural.

Esta páxina é un traballo de Secundino Lorenzo Fernández e ten coma obxectivos mostra-la vida dos nosos ríos e polo tanto mostrar o gran dano que se fai cando se atenta contra esta vida, pretender que o internauta descubra por qué razón algunhas persoas amamos con paixón os nosos ríos e  defendémolos diante dun mal chamado progreso que non os respecta, fomentar con este traballo a afección a estas visitas a natureza, para coñecer estes seres e outros moitos que habitan as nosas ribeiras, que sen dúbida é o mellor e máis natural que temos en Galicia.

A Fundación Érguete-Integración nace coa finalidade de facilitar a incorporación sociolaboral de persoas en risco ou situación de exclusión social, cunha metodoloxía de traballo fundamentada no deseño e seguimento de itinerarios individualizados de inserción.
 

CEMMA é unha ONG galega con dezaoito anos de experiencia no estudo e divulgación dos mamíferos e tartarugas mariñas de Galicia, a través dunha investigación seria, promovendo e participando en diferentes estudos e proxectos de investigación sobre os cetáceos con institucións estatais e internacionais, e potenciando aspectos divulgativos mediante exposicións, conferencias e cursos. Hai que engadir que CEMMA é membro fundador da Sociedad Española de Cetáceos e membro da European Cetacean Society.
 

É unha organización galega de cooperación para o ecodesenvolvemento. Xorde como unha ONGD para a transformación, situándose dentro do debate actual na corrente que aposta por ser un freo ós abusos do poder político e as desigualdades xeradas dende o poder económico. Para elo, pensan que é fundamental recupera-lo papel autónomo dos movementos sociais na transformación política e a participación da sociedade civil nos asuntos públicos.