Projetos e iniciativas

O Eixo Atlántico do Noroeste Peninsular é unha agrupación europea territorial que forma vínculo entre as zonas urbanas na comunidade autónoma de Galicia e as da Rexión Norte de Portugal. O seu principal obxectivo é a cohesión e a estrutura do sistenma urbano, e a contribución á modernización das cidades mediante o desenvolvemento de programas da rede, a coperación, o intercambio de información e a planificación estratéxica conxunta.
 

O obxectivo principal da Coordinadora Galega de ONGD, tal e como o recolle na súa recente Planificación Estratéxica (2009-2012) é contribuír á erradicación da pobreza nun marco de desenvolvemento sostible e de promoción dos Dereitos Humanos, que propugne a eliminación de calquera tipo de discriminación, e que promocione a igualdade entre mulleres e homes.

Bicis pola Paz é unha ongd que nace en Chantada. O obxectivo de Bicis pola Paz é fomentar o eco-transporte nos proxectos de desenvolvemento, Bicis pola Paz doa bicicletas a mestres, médicos, promotores de saúde, veterinarios…. en máis de vinte paises de América Latina, Asía e África, así como a inmigrantes no estado español.

Esta estación atende as demandas de particulares e profesionais no relativo ás actividades hortícolas, florícolas, frutícolas e vitícolas. Orienta o produtor nos sistemas de explotación, nas técnicas de cultivo máis axeitadas e no comportamento varietal mediante ensaios; mellora, selecciona e caracteriza as variedades autóctonas hortícolas; e capacita os produtores nas técnicas de cultivo e explotación mediante cursos, demostracións e visitas.
 

Esta fundación nace co fin de promover todas as accións que propicien o achegamento entre Galicia e Europa. Participada por diversas etidades públicas e privadas galegas, a Fundación está vinculada funcionalmente á Dirección Xeral de Relacións Exteriores e coa EU, da Consellería de Presidencia, Administracións Públicas e Xustiza da Xunta de Galicia. Os seus ámbitos de acción son: Defender os intereses de Galicia perante a UE, informar sobre a UE en Galicia, formar e sensibilizar sobre Europa en Galicia e promover a participación galega en proxectos europeos.