Projetos e iniciativas

 Esta asociación nace como resposta á preocupación cidadá diante da grave situación de deterioro ambiental que sofre o medio natural na zona; trátase dunha asociación ecoloxista plural e aberta a todas as persoas que -con independencia da súa condición e ideoloxía- coincidan no interese pola recuperación e potenciación da maior das riquezas ecolóxicas da bisbarra: a ría e o seu contorno.

 ONG sen ánimo de lucro que forma parte da Coordinadora Galega de ONG´s para o Desenvolvemento e da Coordinadora Galega pola Paz.

A Asociación Micolóxica Viriato leva máis de vinte anos divulgando temas relacionados coa micoloxía básica, coa culinaria... A divulgación é a súa devoción. Durante a tempada micolóxica organizan saídas tuteladas ao monte todos os sábados. A saída efectúase dende o  local social en Sillobre. Axudan as persoas que así o requiran na clasificación das setas que levan ao local.Periodicamente organizan ceas, xa que, ademais de micólogos considéranse micófagos. Para os fanáticos da Ciencia dispoñen dun microscopio profesional co que poden observar as esporas das setas.

Asociación ourensán integrada na Federación Galega de Micoloxía que realiza entre outras actividades relacionadas con esta temática conferencias, cursos, concursos, exposicións, reunións  semanais co obxecto de clasificación de especies e programación de actividades, saídas de traballo de campo para a recollida de cogomelos, excursións a explotacións micolóxicas, participacións en congresos, participación coma expositores e proxecto de elaboración dun libro sobre Micoloxía e receitas de cociña dos cogomelos.
 

Os seus obxectivos son asesoramento en materia de fitopatoloxía, axudar aos agricultores e Servizos Oficiais a recoñecer as pragas e enfermidades dos nosos cultivos, e a informar sobre a as medidas de protección e control que deben seguir para evitar as perdas que ocasionan estes patóxenos; no campo da fructicultura recuperación de variedades autóctonas galegas e a introdución de novas especies e variedades froiteiras aptas para a nosa zona coa realización dos estudos previos de aclimatación e agronomía, os resultados obtidos destas experiencias transmítense aos fructicultores por medio de