Recursos Externos

 Esta estación desenvolve labores de asesoramento, orientación e ensaio especializados. Os seus servizos van dirixidos a particulares e a profesionais do sector. Os traballos de experimentación permiten a adopción das novas tecnoloxías e procedementos nas mellores condicións técnicas e económicas. Á difusión destes coñecementos contribúen as visitas concertadas e as actividades de formación.
 

Esta estación ten coma fin o fomento e desenvolvemento tecnolóxico do sector vitivinícola galego a través da investigación aplicada, do asesoramento a viticultores e embotelladores e da formación. Nela realízanse análises para produtos derivados da vide. As funcións principais  son investigación, servizos ao sector, laboratorio de química enolóxica, asesoramento, transferencia tecnolóxica e formación.  Colabora en publicacións e tamén realiza as súas propias. Ten tamén unha laboura de difusión directa das tecnoloxías desenvolvidas mediante cursos, xornadas e visitas
 

Este centro ten a función de realizar investigacións aplicadas e básicas orientadas nas liñas de investigación preferentes dos programas de recursos e tecnoloxías agroalimentarias. Realiza tamén difusión directa da tecnoloxía desenvolvida a través dos Días de Campo, reunións específicas con sectores e grupos específicos (ovino, vacún, matadoiros e carniceiros...), visitas dos agricultores e alumnos de ensino técnico ás fincas e laboratorios do CIAM, xuntanzas co Servizo de Extensión Agraria, asesoramento dos investigadores a agricultores e institucións que así o demanden.

Neste centro de formación ubicado en Lourizán ofértase formación de grao medio de traballos forestais e conservación do medio natural, e de grao superior de xestión e organización dos recursos naturais e paisaxísticos. Entre as infraestruturas coas que contan cabe destacar un laboratorio de sementes e unha finca de 50 ha con máis de 150 especies arbóreas e leñosas.
 

Neste centro de formación ofrécense estudos regrados e de garantía social, respecto dos primeiros contan cos graos medios das disciplinas de Explotacións gandeiras, Xardinería e Explotacións agrarias extensivas; no referente á formación de garantía social ofrécese o curso de Operario de explotacións agropecuarias.