Iníciar sessão de utilizador

Recursos Externos

Ordenanza e xunta municipal para a xestión de residuos domiciliarios.

Enviado por eixoecoadm em Qui, 2012-06-21 09:51

Neste concello alavense articulouse unha ordenanza municipal de xestión de residuos domiciliarios e a creación da Xunta municipal de residuos coma elemento de implicación da industria local, establecendo acordos de cooperación e prestación de servizos dentro da estratexia ambiental local. Froito do mencionado, logrouse a redución do vertido de residuos perigosos grazas a unha maior concienciación cidadá e ao coñecemento dos fluxos de residuos no concello.
Legutiano (Álava).

Enlace:

Web

Gestion5r: unha ferramenta en Internet para a reciclaxe.

Enviado por eixoecoadm em Qui, 2012-06-21 09:49

Para conseguir a calificación de boa práctica, este concello biscaíno creou unha ferramenta tecnolóxica e práctica que aglutina a maior información existente acerca da reciclaxe e xestión dos residuos a nivel estatal. Logrouse a sensibilización e orientación á poboación e empresas para a correcta xestión de residuos.
Gordexola (Bizkaia).

Enlace:

Web

Creación de itinerarios escolares.

Enviado por eixoecoadm em Qui, 2012-06-21 09:46

O obxectivo desta boa práctica era converter o traxecto de ir a pé ou en bicicleta á escola nunha actividade cotiá agradable e segura para que os nenos/as a puideran realizar solos. As medidas adoptadas conseguiron reducir a velocidade no entorno dos centros escolares, incrementando a seguridade viaria e reducindo a mobilidade con vehículos.
Cerdanyola del Vallès (Barcelona).

Enlace:

Web

Rede de sendas urbanas e servizo de préstamo de bicicletas.

Enviado por eixoecoadm em Qui, 2012-06-21 09:44

A idea da que se partía era a de facilitar o descubrimento da rede de sendas urbanas mediante un proxecto piloto de préstamo de bicicletas, con puntos de recollida e entrega esparcidos de xeito homoxéneo por toda a cidade e puntos clave da rede. O proxecto levado a cabo tivo éxito entre a poboación e supuxo un incremento no número de usuarios de bicicleta.
Vitoria-Gasteiz (Álava).

Enlace:

Web

Plans municipais de mobilidade sustentable.

Enviado por eixoecoadm em Qui, 2012-06-21 09:41

Esta boa práctica consistiu no deseño dun Plan Municipal de Mobilidade Sustentable e o debate dos proxectos que abarca este plan na Mesa da Mobilidade, a Mesa de Accesibilidade, o Consello asesor da Axenda 21, o Foro da Axenda Escolar 21 e o Concello; permitindo levar a cabo actuacións dirixidas ao logro dunha mobilidade máis racional e sustentable. Os avances foron significativos no uso do transporte público e a viabilidade peonil, ademais da redución do tráfico no centro.
Tolosa (Gipuzkoa).

Enlace:

Web

Aldea Nova-Parque Temático do Rural

Enviado por eixoecoadm em Qui, 2012-06-21 09:40

Aldea Nova é o único espazo aberto e vivo dedicado ao desenvolvemento rural sustentable de Galicia, ao seu estudo, divulgación e experimentación. A revelar e potenciar os seus recursos gandeiros, agrícolas, forestais, educativos e turísticos. A promover o seu uso de enerxías renovables e novas tecnoloxías da información. A impulsar a revitalización social, económica e ambiental das áreas rurais.

Enlace:

web

Creación dunha rede peonil para a cohesión do territorio.

Enviado por eixoecoadm em Qui, 2012-06-21 09:39

Neste concello deseñouse unha rede peonil caracterizada por percorridos peonís iluminados de dous metros de plataforma libre e unha separación do tráfico rodado mediante zona axardinada de 1,5 metros; o deseño dun plan de comunicación electrónico. O que se conseguiu foi a construción de 10 kms de sendeiros peonis que xeran unha maior cohesión territorial e a moderación do tráfico no núcleo principal.
Loiu (Bizkaia).

Enlace:

Web

Rede de vías exclusivas para desprazamentos en bicicleta.

Enviado por eixoecoadm em Qui, 2012-06-21 09:37

Nesta cidade creouse unha rede básica de vías ou carriles exclusivos para bicicletas que conectan os distintos barrios. O obxectivo era posibilitar o uso da bicicleta na cidade e contribuir a un aumento de desprazamento urbanos por medios non motorizados. O gran logro foi a aceptación da bicicleta coma transporte urbano competindo así coa mobilidade motorizada privada. Entre os anos 1998-2003 duplicouse o número de desprazamentos diarios en bici.
Donostia-San Sebastián (Gipuzkoa).

Enlace:

Web

Instalación de rampas mecánicas en rúas empinadas.

Enviado por eixoecoadm em Qui, 2012-06-21 09:34

Esta boa práctica baseouse na instalación de cinco rampas mecánicas para mellorar a accesibilidade dunha zona con elevadas pendentes no municipio. Isto supuxo unha mellora da accesibilidade para as persoas con mobilidade reducida e un incentivo para os desprazamento peonís.
Basauri (Bizkaia).

Enlace:

Web

Compra municipal ambientalmente correcta.

Enviado por eixoecoadm em Qui, 2012-06-21 09:31

Procedeuse neste concello á implantación dun código interno de compras e contratos municipais baseado en criterios de aforro e eficiencia no consumo dos recursos e na filosofía do presuposto ambiental. Reduciuse con este código a xeración de residuos e emisións nas dependencias municipais , racionalizouse e ambientalizouse o servizo de compras e contratos, así coma un gasto menos de 5000 euros ao ano en adquisición de produtos de limpeza.
Manlleu (Barcelona).

Enlace:

Web