Mobilidade

Esta boa práctica consistiu no deseño dun Plan Municipal de Mobilidade Sustentable e o debate dos proxectos que abarca este plan na Mesa da Mobilidade, a Mesa de Accesibilidade, o Consello asesor da Axenda 21, o Foro da Axenda Escolar 21 e o Concello; permitindo levar a cabo actuacións dirixidas ao logro dunha mobilidade máis racional e sustentable. Os avances foron significativos no uso do transporte público e a viabilidade peonil, ademais da redución do tráfico no centro.
Tolosa (Gipuzkoa).
 

Nesta cidade creouse unha rede básica de vías ou carriles exclusivos para bicicletas que conectan os distintos barrios. O obxectivo era posibilitar o uso da bicicleta na cidade e contribuir a un aumento de desprazamento urbanos por medios non motorizados. O gran logro foi a aceptación da bicicleta coma transporte urbano competindo así coa mobilidade motorizada privada. Entre os anos 1998-2003 duplicouse o número de desprazamentos diarios en bici.
Donostia-San Sebastián (Gipuzkoa).
 

Creación dunha nova cultura de uso do autobús mediante actuacións coma unha reforma integral dos servizos de bus cun incremento de destinos, frecuencia e horarios; un control do aparcamento, prioridade de acceso e creación de servizos especiais de autobús; implantación de servizos vinculados ás festas de cada municipio; implantación de servizos nocturnos; nova estación de autobuses; e novos servizos regulares de autobús nas dúas principais cidades.
Menorca.
 

Mellora da carretera que accede á cidade de Granollers mediante actuacións de reestruturación da sección da vía, construcción de beirarrúas, plantación de vexetación, ordenación das infraestruturas técnicas, eliminación de vallas publicitarias e mellora das vallas das fincas adxacentes.
Granollers.
 

Establecemento dunha rede de un cuarto de millón de puntos de recarga para os coches eléctricos.
Bahía de San Francisco (California).