Proxectos e iniciativas

"Tranquila área recreativa situada nas ribeiras do río Eume, nunha zona típica de vexetación autóctona caducifolia de ribeira (carballos, bidueiros e ameneiros fundamentalmente), dunha extensión de 1ha. Alberga unha rica fauna natural, e é unha zona acoutada de caza e pesca. Goza de bo equipamento para comer, así como de elementos que decoran a paraxe, como un hórreo, unha cruz e unha ponte medieval reconstruída (probablemente do s. XIII), traído do seu antigo lugar orixinario (Illade), con motivo da explotación dunha mina de lignito. Grande concorrencia de xente durante o verán.
"

"Área de recreo situada en ámbito marítimo, nas inmediacións da praia de Morouzos. Grande extensión de terreo dividida en zona dunar e zona arbórea (atravesada pola estrada). A zona de sombra está acondicionada con área de pícnic, ademais de campo de fútbol. Bonitas vistas do banco de area próximo, coñecido como ""a barra"" e a illa de San Vicente, á cal se pode chegar a pé con baixamar. Ideal para gozar do sol, a praia e as actividades deportivas nun estupendo paraxe natural.
"
 

"Área de recreo situada sobre a praia do mesmo nome, e á súa vez inmediata á estrada xeral. Trátase dun inmenso piñeiral acondicionado para xantares, merendas campestres e xogos de nenos.
"
 

"Pequena área de 0,1 hai. situada a beiras do río Labrada ao seu paso polo núcleo de Gontán. Conta con merendeiro e praia fluvial acondicionada cunha explanada de cemento para facilitar o baño. Enmárcase nun ámbito vegetacional autóctono de ribeira, con carballos, bidueiros, ameneiros, salgueiros, etc...
"
 

"A área de recreo de Feces de Abaixo atopa situada á marxe da N- 525, con ampla zona de descanso, con fonte de auga potable, converténdose nunha área perfecta para o ocio e o esparexemento. Nas súas proximidades hai unha área deportiva formada por un campo de fútbol e pista polideportiva (incluídos vestiarios).
"