GEI

Este é un folleto destinado aos estudantes no cal se informa sobre o cambio climático e sobre o papel que pode xogar o lector para controlalo. Nel invítase a firmar un compromiso para reducir as emisións de CO2 realizando pequenos cambios no comportamento diario.
Organismo promotor: Comisión Europea

 

Esta é unha iniciativa que ten por obxecto promover a reducción voluntaria de emisións de GEI en sectores ou actividades non incluídos na Lei 1/2005. Neste documento plantéxase a posibilidade de que empresas particurais se adhiran a esta iniciativa presentando proxectos que pasarán por un proceso de avaliación. Determina os requisitos e documentación necesarios para a súa presentación e amosa os beneficios e vantaxes de tal acción.
Organismo promotor: Ministerio de Medio Ambiente e Medio Rural e Marino. OSE.

 

Este documento aporta algúns dos elementos máis relevantes que se deben ter en conta no proceso de toma de decisión para enfrontarse ao cambio climático, orixe e consecuencias. No primeiro bloque resúmense os coñecementos sobre o clima pasado, recente, as tendencias actuais e as proxecións futuras para España. Analízanse tamén os principais impactos do cambio climático sobre os sistemas naturais e os seus recursos.

Este documento trata o tema do Cambio Climático. Comeza explicando o que son os GEI e as súas consecuencias para o planeta. A continuación trata o Protocolo de Kioto, o seu obxectivo, os gases aos cales se aplica e as medidas a tomar polos países que ratificaron dito protocolo e detense a explicar un dos obxectivos do protocolo que é o inventariado das emisións. Por último menciona a situación de Galicia en canto a emisións deste tipo de gases e as medidas tomadas pola Administración galega para a mellora neste tema.