hábitat

Esta guía de Plantas Útiles de Galicia consta de 104 especies con variadas aplicacións medicinais e terapéuticas de uso externo e interno para o tratamento de diferentes doenzas, sempre baixo prescrición médica para non incorrer nunha mala administración do produto e acentuar ou mesmo agravar a enfermidade. Esta guía promove un coñecemento da flora e a súa preservación a través das diferentes utilidades que teñen para a humanidade, dado que todas as descritas teñen en común, entre outras utilidades, a de ser beneficiosas para a Saúde.

Esta publicación describe, de maneira práctica, 72 especies de cogomelos; das que 34 son comestibles, 14 sen interese culinario, 13 velenosas, 9 non comestibles e 2 mortais. O apoio fotográfico de cada unha destas especies e dos seus respectivos hábitats pon ao alcance dos afeccionados unha doada identificación. O libro serve coma guía de campo para buscadores de cogomelos, e tamén pode ser un bo apoio instrumental para impartir cursos de iniciación e perfeccionamento da micoloxía.

Esta guía de orquídeas contribúe ao coñecemento e divulgación da riqueza florística do parque natural e facilita o achegamento a esta interesante familia de plantas, popularmente asociada ao mundo tropical. As orquídeas destacaron sempre pola beleza das súas flores, pero, ademais do seu valor estético, presentan un importante valor biolóxico e ábrennos os ollos á complexidade do mundo natural. Ao observar unha orquídea fixarémonos na súa labiríntica estrutura, que indica con que tipo de organismos está relacionada e cal é o seu funcionamento.