Proxectos e iniciativas

"Trátase dunha elevación de terreo, próxima ao cemiterio de Cambados, na que existe ademais unha área recreativa. Dende o miradoiro divísase Cambados, así como a ría de Arousa.
"
 

"O miradoiro atópase no municipio de Sanxenxo, na estrada, que vai de Pontevedra a O Grove nun ámbito semiurbano e ofrece unha fermosa panorámica de toda a ría de Pontevedra, podéndose contemplar a cidade de Pontevedra, a Isla de Tambo, Marín e as súas praias e a vila mariñeira de Raxó co seu porto e as súas bateas. Atópase nun enclave privilexiado, entre o mar e os numerosos montes que forman a parroquia, como son Monte Faro, Castro e Ventureira, cunha frondosa e variada vexetación de piñeiros, carballos, castiñeiros e eucaliptos.
"
 

"Miradoiro situado no cumio do monte A Curotiña, a 498 m de altitude. Ámbito forestal e marítimo. Pódese ver a costa da bisbarra de Barbanza, Vilagarcía, a Illa de Arousa, Vilanova de Arousa, Cambados, O Grove, as illas de A Toxa e Sálvora. Afirman que en días despexados se pode observar todo o litoral dende Fisterra ao monte de Santa Tegra (A Garda). Levántase un monumento, en pedra, á figura do ilustre fillo da ría de Arousa Ramón María del Valle Inclán.

"Miradoiro situado en A Atalaia, unha elevación que atopa ao final da vila. Ámbito marítimo. Obsérvase a ría de Muros - Noia e de fronte recórtase a imaxe do Monte Louro sobre o horizonte. Neste mesmo lugar pódese contemplar a ermida de Nosa Señora da Misericordia. Crese que esta foi a área de asentamento dun poboado castrexo atopándose restos arqueolóxicos que parecen confirmalo.
"
 

"Miradoiro situado ao lado da ""Igrexa da Piedade"" nun ámbito rural. Trátase dunha zona alta que permite ver todo o val de O Formigueiro, os montes de A Paradanta e ao lonxe os do Norte de Portugal. Ao lado ten unha área de recreo.
"