Projetos e iniciativas

Zoolóxico situado en Vigo que exerce unha labor divulgativa das características e costumes dos animais que alí residen. Este zoo persegue os obxectivos de conservación, investigación e educación. Para elo estanse protexendo e conservando diferentes especies, fanse colaboracións en estudos de investigación e realízanse actuacións educativas para os distintos sectores do público visitante, que mediante a adquisición de valores e coñecementos os axuda a comprender o estado actual do medio ambiente e a actuar en consecuencia.
 

Escola de Natureza que nace cos obxectivos de intervir educativamente no tempo libre do público interesado en xeral, con programas de actividades específicos para diferentes colectivos, fomentando neles o coñecemento e o interese polo medio ambiente, e promovendo así un cambio de actitudes de cara ao respecto e coidado do entorno. Así tamén, serve de apoio a centros de ensinanza, tanto de primaria e secundaria coma de ensinanza non obrigatoria , actuando coma un recurso educativo no ámbito do medio natural e rural.
 

O Parque Etnográfico está integrado por tres elementos: o Muíño do Buraco, o Museo do Tecido “O Fiadeiro” e o Museo do Coiro “Fábrica de Curtidos Familia Nogueiras”. Todos eles son mostras representativas do que nun tempo significou o modo de vida e a economía desta zona, claramente ligada ao río Arnoia.
 

O Museo do Pobo Galego é unha asociación sen ánimo de lucro de ámbito galego,  ten como obxectivos investigar, conservar, divulgar, defender e promover a cultura galega en todos os seus ámbitos.