Proxectos e iniciativas

No museo da gandaría recolle a historia da gandaría dende o seu inicio ata a actualidade. Os seus fondos vanse incrementando cos aportes dos criadores. No museo vivo mostran as razas ás persoas que alí acoden.
 

CETMAR é unha fundación promovida pola Xunta de Galicia. Consiste nunha entidade de encontro e cooperación interinstitucional. O obxectivo de CETMAR é contribuir a mellorar as condicións para o desenvolvemento sustentable dos recursos mariños e, neste marco, contribuir a mellorar a eficiencia dos sectores da pesca , a acuicultura, a transformación dos produtos pesqueiros e todas aquelas actividades relacionadas directa ou indirectamente co uso e a explotación do mar e os seus recursos.

Os espazos principais de actividade de “PANXEA” son a sensibilización e a participación activa en diversas iniciativas de economía alternativa, social e solidaria, especialmente as relacionadas co Comercio Xusto e o Consumo Responsábel, dende a perspectiva da Soberanía Alimentaria. Para iso traballamos para impulsar cambios que, dende o pequeno e o local, vaian mudando as estruturas a prol da xustiza social, ecolóxica, de xénero, e nas relacións comerciais Norte-Sur, pero tamén Sur-Sur e Norte-Norte, promovendo igualmente a paz e o desenvolvemento sustentábel.
 

Os Centros IRIS de medio ambiente son unha iniciativa de Amigos da Terra Juventud, sección xuvenil da organización Amigos da Terra, coa que se pretende facilitar a crecente demanda da cidadanía ó acceso á información ambiental e/ou exercer o seu dereito a un medio ambiente adecuado.Dende estes centros proporcionan unha serie de servizos especialmente pensados e adicados á mocidade, pero que son accesibles á toda a cidadanía, independentemente da súa idade e condición.