Estación experimental agrícola de Baixo Miño en Salceda de Caselas

Esta estación atende as demandas de particulares e profesionais no relativo ás actividades hortícolas, florícolas, frutícolas e vitícolas. Orienta o produtor nos sistemas de explotación, nas técnicas de cultivo máis axeitadas e no comportamento varietal mediante ensaios; mellora, selecciona e caracteriza as variedades autóctonas hortícolas; e capacita os produtores nas técnicas de cultivo e explotación mediante cursos, demostracións e visitas.