Recursos Externos

Esta idea comezou coa realización dun estudo para coñecer o contido particular de metais pesados suspendidos no aire e os compostos orgánicos volátiles da fase gaseosa. Logrouse a sistematización do control de calidade atmosférica do municipio permitindo a súa caracterización, localización dos principais focos de emisión e unha maior sensibilización cidadá.
Azpeitia (Guipuzkoa).
 

Boa práctica consistente na aplicación dun plan integral para a redución ou estabilización do consumo de auga por habitante, centrándose en determinados sectores. O froito da implantación desta iniciativa foron o aumento nun ano da eficiencia da rede nun 5% e a redución do vertido de residuos perigosos grazas a unha maior concienciación da poboación e coñecemento dos fluxos de residuos no concello.
Vitori-Gasteiz (Álava).
 

Esta boa práctica supuxo a posta en marcha dun programa informático para o telecontros e supervisión dunha serie de caudalímetros distribuídos por zonas sectoriais na rede municipal de abastecemento de auga. Levar a cabo esta iniciativa deu coma resultado unha xestión máis racional e efectiva da rede de distribución da auga reducindo as fugas, ademais de dispor de información adicional sobre a súa explotación.
Arrasate- Mondragón (Guipuzkoa).
 

Escola de Natureza que nace cos obxectivos de intervir educativamente no tempo libre do público interesado en xeral, con programas de actividades específicos para diferentes colectivos, fomentando neles o coñecemento e o interese polo medio ambiente, e promovendo así un cambio de actitudes de cara ao respecto e coidado do entorno. Así tamén, serve de apoio a centros de ensinanza, tanto de primaria e secundaria coma de ensinanza non obrigatoria , actuando coma un recurso educativo no ámbito do medio natural e rural.
 

Este tipo de cidades (Transition Towns) comportan un conxunto de movementos locais que buscan mitigar os efectos dunha futura crise global relacionada co pico do petróleo. A adopción deste tipo de cidades pretenden adoptar un modelo máis sustentable que potencie a autosuficiencia reducindo a pegada ecolóxica.  No caso da cidade de Totnes o desenvolvemento de distintos proxectos a pequena escala coherentes coa estratexia xeral, a maior parte deles están relacionados coa economía local e o intercambio de bens e servizos, a saúde e o benestar, a alimentación e a educación.