Proyectos e iniciativas

Este proxecto comeza coa finalidade, por parte da Asociación de Minusválidos da comarca de Muros , de buscar saídas profesionais para os asociados. Dita asociación realizou un estudo de alternativas, a súa filosofía era a creación de autoemprego. A Cooperativa fabrica bolsas, sacos e láminas industriais de polietileno pero co carácter diferenciador de que dos seus 53 empregados do cadro de persoal a maioría ten algún tipo de discapacidade física. Venden en Galicia e norte peninsular e de Portugal, a súa intención é mellorar a maquinaria e xerar un maior número de empregos.
Carnota.

Ante a observación por parte do dono da sidrería de que gran contía das mazás da zona eran levadas para producir sidra en terras veciñas, éste decidiu explotar ese recurso tan propio da zona creando unha sidrería. Multitude de agricultores de Chantada e pobos cercanos se achegan e levan directamente dende a árbore as mazás. Este é o gran segredo da calidade  pero reporta beneficios coma a inexistencia de intermediarios co cal o prezo percibido é maior.

O proxecto que comeza fai 30 anos acabou sendo un complexo formado por un centro singular experimental de innovación psicopedagóxica e integración, aloxamento de turismo rural e instalacións-programas de formación ocupacional profesional. O centro psicopedagóxico plasma a innovación dende a educación buscando o libre desenvolvemento do potencial do neno, inclusive as estructuras arquitectónicas dos espazos están pensadas dende a mente dos nenos. Faise promoción da integración, diversidade cultural, etnografía e hai un continuo contacto coa natureza.

Este proxecto consiste nunha vivenda tutelada para persoas con enfermidades mentais, de feito, aparece coma a primeira residencia deste tipo en Galicia. A elección do lugar no cal se construiu este centro foi froito do apoio das autoridades locais e a acollida foi estupenda por parte dos veciños o que fixo que a integración fose máis fácil que na cidade. As estancias contan con amplos espazos e moita luz para favorecer o benestar das persoas que alí viven.

O que comezou no ano 53 na fabricación de fouces, co tempo  foise ampliando co uso de novas tecnoloxías e unha mellora da produtividade. Hoxe día é unha fábrica de pezas metálicas para sectores de ferraxería, construción e industria. Logrouse isto cunha mellora xeral na loxística que supuxo a automatización dalgúns dos procesos ou a incursión en novos sectores.  Agora esta fábrica conta cun laboratorio de I+D o que supón afrontar proxectos de maior envergadura.