Asociación de Empresas de Servizos Forestais de Galicia

Asociación sen ánimo de lucro, de empresas privadas e cooperativas con domicilio social en Galicia e que se estende ás comunidades castelá leonesa e madrileña. Os seus fins son  representar, defender e promover os intereses comúns empresariais dos socios nos diferentes ámbitos e foros; negociar, informar e transmitirlle á Administración os principais aspectos que preocupan as empresas do sector forestal; fomentar a relación entre as empresas que se dedican á realización de traballos forestais e a difusión de coñecementos entre os mesmos; organizar cursos, conferencias, viaxes de estudos etc. encamiñados a un mellor coñecemento do sector así como á mellora tecnolóxica e lexislativa das empresas; facilitar a máxima información os seus asociados; fomento, mantemento, defensa e conservación dos montes galegos; e camiñar cara unha xestión sustentable dos nosos montes e a creación de emprego no medio rural.