Área afectada por incendios forestais

Descrición breve
Cuantificación da área forestal afectada por incendios nun determinado territorio.
Os incendios forestais xera moitos impactos negativos, tales como aumento da erosión dos solos, redución da produtividade e desertización do territorio, perda de biodiversidade (provocada pola destrución de hábitats naturais), alteracións no ciclo hidrolóxico, redución de sumidoiros de CO2, perdas económicas relacionadas coa destrución de materia e poñen en risco a seguridade da poboación.

Variables
- Área forestal queimada (ha);
- Incendios forestais (nº)

Unidades
Hectáreas (ha)

Fontes
Eurostat; IGE; INE Portugal

Análise breve

Gráfico 37- Variación da área queimada (ha) e do número incendios forestais (nº) entre 2001 e 2009 na eurorrexión.

En 2009 a área queimada na eurorrexión foi de 71.860 ha e o número de incendios forestais rexistrado este ano foi de 22.235 (Gráfico 37). No período de tempo en análise, o ano 2005 foi o que rexistrou unha maior área forestal queimada e un maior número de incendios forestais con valores de 199.972 ha e 34.874, respectivamente.

Gráfico 38 - Área queimada en 2008 e media da área queimada entre 2001 e 2008 na eurorrexión, en Portugal, en España e na UE-27.

Cando se compara a media entre 2001 e 2008 (Gráfico 38) verifícase que Portugal presenta a maior superficie de área queimada rexistrando cerca de 156.749 ha. En España a media da superficie queimada para o mesmo período de tempo foi de 115.614 ha, na eurorrexión de 82.351 ha e na UE-15 de 49.538 ha. Con relación á media do número de incendios producidos no mesmo período de tempo, Portugal rexistrou o maior número con 23.659, seguido da eurorrexión con 22.375, de España con 17.075 e da UE-15 con 7.191.

Analizando a porcentaxe de superficie de especies forestais afectadas por incendios fronte á superficie total ocupada por especies, verifícase que en 2005 Portugal rexistrou unha porcentaxe do 6%, mentres que na eurorrexión e en España se rexistraron para o mesmo ano valores da orde do 3% e 0,1%, respectivamente.

Gráfico 39 — Porcentaxe de superficie de especies forestais queimadas fronte á superficie total.