Medio Rural

Coordinado pola organización Verdegaia, o Programa VAI DE ROTEIROS!, ten un dobre obxectivo de dar forma a unha actividade que até o de agora non tiña un fío condutor visíble e de coñecer e valorar o mellor e o peor do noso territorio, educando e ao mesmo tempo reivindicando unha correcta xestión do mesmo.
 

O Museo Etnográfico e do Viño é o primeiro museo de Galicia e un dos primeiros de España con esta temática. Nel amósase un percorrido pola historia, o arte, a xeografía, a cultura popular, así coma todos os aspectos vitivinícolas do viño das Rías Baixas. Complétase cunha serie de salas de exposicións interiores e exteriores.
 

        A  U.R.G. nace coa idea de intentar facer visible todo o patrimonio etnográfico galego servindo de altofalante de toda esa realidade, consideran  que tod@s podemos contribuir a poñer en valor as tradicións rurais, a favorecer o seu recoñecemento e dignificación e a facer chegar á sociedade toda a riqueza persoal, grupal e etnográfica do medio rural.
 

Trátase dunha entidade non gubernamental (ONG) e non lucrativa (ONL) de carácter fundacional. O seu obxectivo é crear un fondo de conservación da natureza na comarca de As Mariñas (A Coruña), que permita comprar fincas de interese natural para a protección dos hábitats prioritarios. Deste xeito poden coidar a paisaxe e os bosques, asegurando un futuro para as especies de animais e plantas que conforman a biodiversidade destes ecosistemas.
 

Este proxecto intégrase dentro das prioridades da Consellería do Medio Rural de impulsar a zona sur da provincia de Lugo. As posibilidades produtivas, climáticas, edafolóxicas, mesmo paisaxísticas, turísticas e de ocio, fan desta comarca unha das prioridades para poñela en valor.